di: Pizzamiglio - Pinotti
 

La Darsena e i barcon de soravia
el Navili el se dislengua dentr’i cà
in alt el campanin de Santa Maria
el dis al coeur content: «Te see rivaa!».
L’è lì che el nòst Milan l’ha conservaa
la polver del sò temp semper pussee.
Finèster, ringherètt…ona filera
su on vicol che l’è quèll di lavandee.

In del vicol di lavandee
el Navili el fa la gibigianna
sora i sò prèi sguraa
coi genoeugg e i socchètt tutt bagnaa.
Sòtta el sò pontesèll
la corrent la se ferma a fiadà
per ninnà ‘sto canton tanto bèll
e la medega ‘sti prèj consumaa.

Quèi che sta lì de cà e quèi che passa
el coo scorlissen, ma perden nò l’umor
per tutt sto moviment che se dislassa
de forestee, de quader, de pittor.
Coi ann e con la gent che gh’è passaa
parland de meneghin col cœur in man
se stann anca i pittor lassen che vègnen
se gh’hann de pitturà el nòst vègg Milan.

In del vicol di lavandee
el Navili el fa la gibigianna
sora i sò prèi sguraa
coi genoeugg e i socchètt tutt bagnaa.
Sòtta el sò pontesèll
la corrent la se ferma a fiadà
per ninnà ‘sto canton tanto bèll
e la medega ‘sti prèij consumaa.
Sòtta el sò pontesèll
la corrent la se ferma a fiadà
per ninnà ‘sto canton tanto bèll
e la medega ‘sti prèi consumaa.
Sòtta el sò pontesèll
la corrent la se ferma a fiadà
per ninnà ‘sto canton tanto bèll
e la medega ‘sti prèi consumaa.