Cabaret Milano Duemila - Cabaret Milano Duemila

di: Giorgio Danese

 

 

Milan te voeuri ben e mì te canti
me spaccarò i polmon però te canti
con la ghitara e tanti bèi canzon
foo el menestrèll in gir per i rion.
La corr la vos in sul Navili grand
la rid la Madonina sora ‘l Dòmm
on ciocch el parla seri ad on lampion
ormai l’è nòtt in gir gh’è pù nissun.

Milan te voeuri ben
te see la vita mia
in ògni tò canton gh’è ona poesia;
ormai se parla ingles
l’è pròppi ona mania
senza pretes mì canti in milanes.

La luna sù in del ciel inargentada
la ciama i stèll per fà ona serenada
l’è minga on sògn, ma l’è ona realtà
del mè Milan mì sont innamoraa.
La Darsena la fa de spègg ai cà
coi primm rumor se sveglia la città
de tant in tant se pizza on quai ciarin
se sent anmò parlà in meneghin.

Milan te voeuri ben
te see la vita mia
in ògni tò canton gh’è ona poesia;
ormai se parla ingles
l’è pròppi ona mania
senza pretes mì canti in milanes.

musica

Milan te voeuri ben
te see la vita mia
in ògni tò canton gh’è ona poesia;
ormai se parla ingles
l’è pròppi ona mania
senza pretes mì canti in milanes.

Cerca

Facebook!