Cabaret Milano Duemila - Cabaret Milano Duemila

di: Giorgio Danese

 

 

Balera col bersò, tosann innamoraa
la gent che pedalava in biciclètta
l’hoo conussuda chì, radiosa come on fior
e subit hoo capii che l’era amor.
Vedèmm insèma a lee, sentiss on poo important
incomincià ona stòria pròppi vera
el nòster grand amor l’è pròppi nassuu chì
e sòtta a sto bersò l’ha dii de sì. 

Maria, Maria on alter tango e poeu te pòrti via
con la ghitara e on poo de fantasia
stasera mì te inventi ona canzon.
Maria, Maria hoo già capii te see la dòna mia
la vita insèma a tì l’è ona pòesia
e ògni istant per mì l’è on emozion. 

Balera col bersò, on bèll piatt de risòtt
vedèlla in sul Navili e ona barchètta
on bèll biccer de vin, on gir de valzerin
magari on tango per provà on’“ebbrezza”.
L’hoo conossuda chì la dòna del mè coeur
el sò sorris el m’ha cambiaa la vita
el nòster grand amor l’è pròppi nassuu chì
e sòtta sto bersò l’ha dii de sì. 

Maria, Maria on alter tango e poeu te pòrti via
con la ghitara e on poo de fantasia
stasera mì te inventi ona canzon.
Maria, Maria hoo già capii te see la dòna mia
la vita insèma a tì l’è ona pòesia
e ògni istant per mì l’è on emozion. 

musica 

Maria, Maria hoo già capii te see la dòna mia
la vita insèma a tì l’è ona pòesia
e ògni istant per mì l’è on emozion:
la vita insèma a tì l’è ona pòesia
e ògni istant per mì l’è on emozion.

Cerca

Facebook!